د اروزګان په استیناف محکمه کې د دغه ولایت له یو شمېر اداري مسؤولینو سره ناسته وشوه

m_admin
یکشنبه ۱۴۰۱/۸/۲۹ - ۱۱:۵۷
د اروزګان په استیناف محکمه کې د دغه ولایت له یو شمېر اداري مسؤولینو سره ناسته وشوه

په۱۴۴۴/۳/۲۶ هـ ق نېټه د ارزګان ولایت د مرافعه محکمې رئیس الحاج شیخ مولوي سخیداد (ابوالتقي) په یاد ولایت کې د ماشومانو د ساتنې شبکی او یو شمېر نورو اداري مسؤولینو سره وکتل.

په دې غونډه د عدلیې ریاست د استازي مولوي عبدالرحیم عثماني، د کار او ټولنیزو  چارو ریاست استازي شاه محمود احمدي، د سرې میاشتې ریاست استازي امان الله افضلي، د تربیې او اصلاح آمریت استازي نقیب الله حقاني، د ماشومانو د ساتنې شبکې استازي شیرالله عزیزي او د مرافعه محکمې لخوا محب الله نظري ګډون درلود.

د استیناف محکمې رئیس محترم (ابوالتقي) د یادې ادارې مسؤولینو سره ناسته کې د ماشومانو دملاتړ او ساتنې د لاښه والي په خاطر یادو کسانو ته سپارښتنې وکړې وویل، باید د ماشومانو د لاښه والي لپاره ډېرې هڅې وکړو؛ ځکه ماشومان چې ښه وروزل شي راتلونکې ټولنه به هوسا وي، باید په ټولنه او مساجدو کې خلکو ته د ماشوم اړوند عامه پوهاوی ورکړل شي، چې ښوونځیو او مدارسو کې یې داخل کړي، د کوم جرم مرتکب نه شي او هغه ماشومان چې عمرونه یې له ۱۸ کالو کم وي، جرم وکړي باید د محبس پر ځای تربیه اصلاح ته وسپارل شي.

یو شمېر اداري مسؤولینو هم د مرافعه محکمې رئیس ته ډاډ ورکړ چې موږ به تر خپلې وسې په دې برخه کې همکاري کوو.

د یادو اداري مسؤولینو له جملې څخه د کار او ټولنیزو چارو ریاست استازي شاه محمود احمدي وویل، کوم ماشوم چې جرم وکړي د هر ارګان لخوا که ونیول شي باید موږ ته خبر راکړي، چې موږ ورسره د اصلاح او روزنې برخه کې همکاري وکړو.

د ماشومانو د ساتنې شبکې مسؤول شېرالله عزیزي وویل، کوم ماشوم چې جرم ترسره کړي د محبس پر ځای باید یوه مدرسه کې داخل شي، موږ په دې برخه کې پوره همکاري کوو چې ماشومان په مدرسه کې خپل درسونه ووایي او هم به په راتلونکي کې د ټولنې لپاره د خدمت مصدر وګرځي.

غونډه په دعا سره پای ته ورسېده .

تازه خبرونه

سه‌شنبه ۱۴۰۱/۹/۸ - ۱۵:۱۵
Background image

د میدان وردګ ولایت د استیناف محکمې رئیس د دغه ولایت له مرکزي زندان څخه لیدنه وکړه

د میدان وردګ ولایت د استیناف محکمې د رئيس محترم مولوي عبدالکریم «حقاني» په مشرۍ د دغه ریاست یوه پلاوي د یاد ولایت له مرکزي زندان څخه لیدنه وکړه.

د استیناف محکمې رئیس او ورسره مل پلاوي. . .

دوشنبه ۱۴۰۱/۹/۷ - ۱۵:۱۱
Background image

له ۱۴۴۴/۴/۱۲ څخه تر۱۴۴۴/۴/۲۵ نېټې د تقنیني سندونو او د محاکمو د فیصلو په برخه کې د تدقیق او مطالعاتو عمومي ریاست د اجراآتو لنډ راپور

  1. د سترې محکمې د دېوانونو او مرکزي ریاستونو لپاره طرزالعملونه او مقررې ترتیب شوې دي چې عبارت دي له (د جزا دېوان د اجراآتو او فعالیتونو مقرره،  د مدني دېوان د اجراآتو او فعالیتونو مقرره،. . .
دوشنبه ۱۴۰۱/۹/۷ - ۱۳:۳۴
Background image

کندهار کې یوه قضائي پلاوي د دغه ولایت له ټولو زندانونو څخه لیدنه پيل کړه

دعالیقدر امیرالمؤمنین شیخ صاحب حفظه الله د هدایت او لارښوونې په اساس یوه قضائي پلاوي د یاد ولایت د استیناف محکمې د عامه امنیت دېوان د رئیس مولوي محمد نبي حماس په مشرۍ ۱۰ کسیزه با صلاحیه. . .

بیا په خبرونو کی