د لغمان ولایت مرافعه محکمې د رئيس په مشرۍ اداري غونډه وشوه

د لغمان ولایت مرافعه محکمې د رئیس محترم الحاج شیخ سخي الرحمن (فايز فیروزکوهي) په مشرۍ؛ د ښاري ابتدائیه محکمې رئيس او د دېوانونو رئیسانو په ګډون، په ۲۰/ ۱۰/ ۱۴۴۷هـ ق نېټه اداري غونډه وشوه.
غونډه د قرآنکريم د څو مبارکو آیاتونو په تلاوت پیل شوه؛ ورپسې د مرافعه محکمې رئیس ګډونوالو ته ښه راغلاست ووایه وويل، د غونډې موخه داده چې په کارونو کې لا ډېر اصلاحات راشي او د خلکو کارونه په شفاف او عادلانه ډول ترسره شي.
د مرافعه محکمې رئيس قضات خپلو مسؤولیتونو ته متوجې کړل؛ تر څو د تېر په څېر خپلې چارې د اسلامي شریعت، محاکمو د اصولو او د فرمانونو مطابق ترسره کړي.
د غونډې په دوام ګډونوالو خپلې اداري او قضائي غوښتنې د مرافعه محکمې له رئیس سره شريکې کړې او مرافعه محکمې رئیس لخوا ورته لازم هدایات ورکړل شول.

غونډه د دعاء په ویلو پای ته ورسېده.