خوست ولایت کې پنځو مجرمينو او متهمينو ته تعزیري سزا ورکړل شوه
د خوست ولایت د ښاري ابتدائیه محکمې د جزا دېوان د پرېکړې له مخې نن یکشنبې ۲۹/ ۵/ ۱۴۴۶ هـ ق نېټه د يوې ښځې په ګډون دوو کسانو ته د نامشروع اړيکو په جرم او درېیو کسانو ته د لواطت په تور په عام محضر کې تعزیري سزا ورکړل شوه.
د ابتدائيه محکمې جزا دېوان د یادو کسانو له ډلې دوه مجرمين له دوولس تر اتلس میاشتو تنفيذي بند او ۳۹ـ ۳۹ دُرو تعزیري سزا او درې متهمين پر څلور ـ څلور کاله تنفيذي بند او ۳۹ـ ۳۹ دُرو تعزیري سزا محکوم کړي وو.
په دې موخه جوړه شوې غونډه کې د مرافعه محکمې عمومي رئيس محترم مولوي امین الله (منیب)، د ښاري ابتدائيه محکمې رئیس مولوي نقیب الله (ذاکر)، قضائي او نظامي منسوبینو او عامو هېوادوالو ګډون درلود.
د یادونې وړ ده چې یاده پرېکړه د سترې محکمې د عالي مقام له تائید وروسته پر مجرمينو او متهمينو تطبیق شوه.
