د هلمند د مرافعه محکمې لپاره نوى عمومي رئیس معرفي شو
نن د سه شنبې په ورځ (د ۱۴۴۵ هـ ق کال د ربيع الثاني مياشتې په ۲۳مه نېټه) د هلمند ولایت د مرافعه محکمې لپاره نوی عمومي رئيس محترم الحاج مولوي محمد د يوې غونډې په ترڅ کې د ياد ولایت د محاکمو مسؤولینو او منسوبینو ته ور معرفي شو.
په ياده غونډه کې د هلمند د مرافعه محکمې مخکني رئیس محترم مولوي محمد نبي حماس (اخندزاده)، د مرافعه محکمې ټولو قضاتو، اداري کارکوونکو، د ښاري محکمې اړوند د ټولو دېوانونو قضاتو، د استخباراتو ریاست رئیس، د امر بالمعروف نهی عن المنکر رياست رئیس، امنیه قوماندان او د علماوو شوری رئیس ګډون کړى و.
دا غونډه د قرآنکريم د څو مبارکو آیاتونو په تلاوت پيل شوه؛ ورپسې د امربالمعروف نهی عن المنکر رئیس وینا وکړه او د مرافعه محکمې نوى عمومي رئیس محترم الحاج مولوي محمد یې معرفي کړ.
همدا راز په ياده غونډه کې د مرافعه محکمې مخکني عمومي رئیس الحاج مولوي حماس اخندزاده د هلمند ولایت د محاکمو او نورو ولایتي ادارو له مسؤولینو مننه وکړه او نوي رئیس ته يې د ښه خدمت کولو د توفیق دعا وکړه.
غونډه د دعا په ویلو پای ته ورسېده.
