په بلخ ولايت کې يوه متهم ته تعزیري سزا ورکړل شوه
د بلخ ولايت نهرشاهي ولسوالۍ ابتدائیه محکمې د پرېکړې له مخې يو کس ته چې پر غلا متهم و؛ په ۱۳/ ۷/ ۱۴۴۷ هـ ق نېټه تعزیري سزا ورکړل شوه.
ابتدائيه محکمې یاد متهم پر يو کال او شپږ مياشتې تنفيذي بند او ۳۰ دُرو تعزیري سزا محکوم کړی و؛ چې یاده پرېکړه د سترې محکمې عالي مقام له تائيد وروسته پر متهم تطبيق شوه.
په دې موخه جوړه شوې غونډه کې د ابتدائيه محکمې رئيس مولوي آدم خان (ابوالجميل)؛ ولسوال، امنيه قوماندان، د امر بالمعروف نهی عن المنکر او شکایتونو د اورېد او د احکامو او فرامینو د تعقیب او نظارت آمرينو او د نورو امارتي ادارو مسؤولينو او مراجعينو ګډون درلود.
