د فراه محاکمو په يوه مياشت کې د (۲۸۴) دوسیو پر حل او فصل سربېره، (۳۴۵) وثیقې هم اجرا کړې دي

د فراه ولايت مرافعه محکمې، وثايقو، ښاري ابتدائیه محکمې او د ټولو ولسواليو ابتدائیه محاکمو په يوه مياشت کې له ( ۹/ ۶/ ۱۴۴۵هـ ق نېټې څخه تر ۶/ ۷/ ۱۴۴۵ هـ ق) نېټې د (۲۸۴) دوسيو پر حل او فصل سربېره، (۳۴۵) وثيقې هم اجرا کړې دي، چې جزئيات يې په لاندې ډول دي:

په حقوقي برخه کې:

د فراه ولایت محاکمو ته په يوه مياشت کې (۷۸) حقوقي دوسیې واردې شوې، په داسې حال کې چې مخکې هم یو شمېر دوسیې موجودې وې.

له دې جملې څخه (۳) دوسیې مکتوبي مستردې شوې، د (۲۴) دوسیو په اړه قضائي قرارونه صادر شوي، (۴۴) دوسیې فیصله شوې او پاتې دوسيې تر کار لاندې دي.

په جزائي برخه کې:

د فراه ولایت محاکمو ته په يو مياشت کې (۲۱۹) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.

له دې جملې څخه (۶) دوسیې مکتوبي مستردې شوې، د (۳۸) دوسیو په اړه قضائي قرارونه صادر شوي، (۱۶۹) دوسیې فیصله شوې او پاتې دوسيې تر کار لاندې دي.

د وثيقو برخه کې:

د فراه ولايت محاکمو په يو مياشت کې (۳۴۵) بېلا، بېلې وثيقې هم اجرا کړې دي.