د میدان وردګ ولايت د مرافعه محکمې رئيس په مشرۍ اداري غونډه وشوه
د میدان وردګ ولايت د مرافعه محکمې رئيس محترم مفتي عبدالله (فرقاني) په مشرۍ، د قضائي غړو او اداري کارکوونکو په ګډون، په ۲۲/ ۲/ ۱۴۴۸هـ ق نېټه اداري غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې عمومي رئیس ګډونوالو ته ښه راغلاست ووایه او د بېلا بېلو موضوعاتو په اړه يې ورته وینا وکړه.
د مرافعه محکمې رئيس د حاضرۍ په وخت امضاء کولو، دندې ته په خپل وخت حاضرېدو، له مراجعينو سره د نېک چلند او امر بالمعروف او نهی عن المنکر قانون د مراعات په اړه ګډونوالو ته لازمې سپارښتنې وکړې.
نوموړي زیاته کړه، د محاکمو ټول مسؤولين باید له خلکو سره نېک او ښه چلند وکړي، باید هېڅوک له موږ څخه شکایت ونه کړي، ځکه د هېوادوالو د عدالت د تأمین د تمې او هیلې پوره کولو او د مظلوم د اوښکو پاکولو ځای محاکم دي.
غونډه د دعاء په ویلو پای ته ورسېده.
