کندهار ولایت کې د محاکمو د اداري کارکوونکو د ظرفیت لوړونې درې ورځنی سیمینار پای ته ورسېد
د جنوب غرب زون د تمیز عالي مقام د عمومي رئیس او د سترې محکمې د قضائي معاون محترم شیخ ابوالفیضان صاحب په هدایت د دغه ولایت په مرافعه محکمه کې د اداري کارکوونکو د ظرفیت لوړونې په موخه جوړ شوی درې ورځنی اداري سیمینار د سه شنبه په ورځ (۲۳ /۷ /۱۴۴۴ هـ ق) نېټه پای ته ورسېد.
په دغه اداري سیمینار کې چې د رجب میاشتې په ۲۱مه پیل شو، د مسلکي روزونکو او استادانو لخوا د صادرې او واردې کتاب، د تمیز حقوقي او جزائي اندراج، د مرافعه محکمې حقوقي او جزائي اندراج، د ابتدائیه محکمې حقوقي او جزائي اندراج، د رسیداتو کتاب او د عرایضو دفتر تدریس شول.
په یاد سیمینار کې د تمیز عالي مقام، د کندهار ولایت د مرافعه، ښاري او نږدې ولسوالیو د ابتدائیه محاکمو اداري کارکوونکو ګډون درلود.
