د کابل ولایت د مرافعه محکمې عمومي رئیس د دې محکمې د اسنادو او وثايقو عمومي مخزن څخه د څارنې په موخه لیدنه وکړه
د کابل ولایت د مرافعه محکمې عمومي رئيس ښاغلي مولوي عبدالشکور (رشاد آخندزاده) د معمول سره سم د کابل ولایت د اړوندو محاکمو او د اړوندو اداري دفترونو څخه د څارنې په موخه، د ۱۴۴۴ ھ ق کال د ذو الحجې د میاشتې په ۲۴مه، د کابل ولایت ټولو اړوندو محاکمو د سندونو او وثیقو عمومي غونډ ځای(مخزن) څخه د څارنې په موخه لیدنه وکړه.
ښاغلي مولوي رشاد آخندزاده صاحب د وثیقو عمومي مخزن ته په ورتګ سره، د دې آمریت کاري اجراآت، په اجراآتو کې چټکوالي د راتلو، په کاري اجراآتو کي د ستونزو شتون، د مراجعینو د کارونو نوبت په پام کې نیول، د سندونو او وثیقو په ساتولو کې ښه والی راوستولو او ځینې نور موضوعات وکتل او د څارنې پر مهال يې د موجوده ستونزو د حل لپاره د ښاغلي رشاد آخندزاده صاحب لخوا لازمي لارښوونې وشوې.
په پای کې د یاد آمریت په تعمیر کې د ځینو تخریباتو د بیا رغونې وړاندیز د دې آمریت د ښاغلي آمر لخوا وشو، ښاغلي آخندزاده صاحب د یاد وړاندیز په بناء ټول هغه ځایونه وکتل چې بیا رغونه يې د اسنادو د ساتلو لپاره اشد ضرورت ګڼل کېده او د یاد تعمیر د رغونې ډاډ يې ورکړ.
