د پکتیکا ولایت د مرافعه محکمې د منسوبینو ترمنځ اداري ناسته ترسره شوه
د پکتیکا ولایت د استیناف محکمې د قضاتو، اداري او خدماتي کارکوونکو ترمنځ د رسمي چارو او کارونو د لاښه والي او پرمختګ په موخه د چهارشنبې په ورځ (۱۴۴۴/۷/۱۰ هـ ق) نېټه اداري ناسته ترسره شوه.
په یاده اداري ناسته کې چې د استیناف محکمې د رئیس مفتي امان الله «منقاد حقاني» په مشرۍ جوړه شوې وه د یاد ریاست د دېوانونو رئیسانو، مفتيانو، محررینو او د وثایقو او مخزن آمر، غړو او د ریاست اړوند ټولو اداري او خدماتي کارکوونکو ګډون درلود.
ناسته د جزاء دېوان د عضو محرر مولوي محمد نسیم«وثیق» لخوا د قرآن عظیم الشان په مبارکو آیتونو سره پیل شوه؛ ورپسې ټولو قضاتو او اداري کارکوونکو په خپل نوبت د کارونو د لاښه والي، ستونزو او مشکلاتو ته په وخت د رسېدنې په اړه خبرې وکړې.
د ناستې په پای کې د مرافعه محکمې عمومي رئیس مفتي امان الله«منقاد حقاني» د قضاء د اهمیت په اړه خپله عالمانه وینا وکړه؛ قضاتو، اداري او خدماتي کارکوونکو ته یې د تقوا او حاضرۍ ته د پابندۍ په اړه جدي سپارښتنې وکړې.
ورپسې یې له مراجعینو سره په ښه او نرم چلند ټینګار وکړ.
پر دې سربېره د مرافعه محکمې رئیس وویل، واردو شوو قضیو ته باید په ټاکلي وخت رسېدنه وشي او له کوم شرعي عذز پرته د خلکو په دوسیو کې ځنډ رامنځته نشي؛ ترڅو حق حقدار ته وسپارل شي او د خلکو له بې ځایه تکلیف څخه مخنیوي وشي؛ په دې سره به په محاکمو د عامو مسلمانانو د باور فضا لاقوي شي.
یاده اداري ناسته د عامه امنیت دېوان د مفتي عبدالرحمن«همت» لخوا په اختتامیه دعا سره پای ته ورسېده.
