د پکتیا ولایت مرکز ګردېز ښاري ابتدائیه محکمې دوه تنه مجرمینو ته د غلا په جرم تعزیري سزا ورکړه
نن پنج شنبه ۱۸ / ۱۲ / ۱۴۴۴ ه ق نېټه د پکتیا ولایت مرکز ګردېز په سټوډیوم کې د ښاري ابتدائيه محکمې ریاست د جزا دېوان لخوا دوه تنو مجرمینو ته د سرقت «غلا» د جرم له امله تعزیري سزا ورکړل شوه.
یاد دوه تنه مجرمین چې په جلا جلا پیښو کې د غلا په جرم نیول شوي وو له زور او جبر پرته یې په خپلو جرمونو اعتراف او اقرار وکړ.
د یادو مجرمینو نسبتي دوسیې د پکتیا ولایت ښاري ابتدائيه محکمې ریاست د جزا دېوان لخوا وڅېړل شوې او قطعي شوې، چې وروسته د دوسیو ټول اصولي مراحل د سترې محکمې لوړ مقام له هدایت سره سم طی شول.
په یاه غونډه کې د پکتیا ولایت د مرافعه محکمې عمومي رئيس مفتي امان الله «منقاد حقاني» د پکتیا ولایت ښاري ابتدائيه محکمې د جزا دېوان رئيس مولوي سیداکرم «حماسي» د پکتیا ولایت مرافعه محکمې او د پکتیا ولایت ښاري ابتدائيه محکمې قضايي او اداري غړي، د پکتیا ولایت مقام قدرمن مسؤلین او د پکتیا ولایت د نورو دفاترو پر مسؤلینو سربېره د پکتیا ولایت عام ولس هم ګډون درلود، د غونډې په جریان کې د پکتیا ولایت مرافعه محکمې عمومي رئيس مفتي امان الله «منقاد حقاني» اصلاحي وینا وکړه او غونډه د دعايې په ویلو سره پای ته ورسېده.
