د زابل د شهر صفا ولسوالۍ د ابتدائيه محکمې په هڅو د قتل موضوع حل شوه
د زابل د شهر صفا ولسوالۍ د ابتدائيه محکمې رئيس محترم مفتي عزيزالله په ډېرو هڅو د علماوو او قومي مشرانو په منځګړيتوب سره د قتل موضوع چې په (۳/جمادي الثانيه/۱۴۴۵هـ ق) نېټه د ترافيکي پېښې له امله رامنځته شوې وه، حل او فصل شوه.
ياده موضوع د زابل ولايت شهر صفا ولسوالۍ ابتدائيه محکمې ته تر راجع کېدو وروسته په غور او دقت وڅېړل شوه.
وروسته د ابتدائیه محکمې د محترم رئيس، علماوو او قومي مشرانو په منځګړيتوب د مقتول کورنۍ لخوا قاتل ته بخښنه وشوه او د قتل دغه موضوع په رسمي ډول په (۱۳/جمادی الثانيه/ ۱۴۴۵هـ ق) نېټه پای ته ورسېده.
د يادونې وړ ده چې دا لسمه د قتل موضوع ده، چې د زابل ولايت د شهر صفا ولسوالۍ د ابتدائيه محکمې په هلو ځلو سره حل او فصل کېږي.
