د لغمان ولایت د مرافعه محکمې رئیس د یاد ولایت له عمومي زندان څخه لیدنه وکړه
د لغمان ولایت د مرافعه محکمې عمومي رئیس الحاج شیخ سخي الرحمن (فايز)؛ د ښاري ابتدائیه محکمې د جزا او عامه امنیت دېوانونو رئیسانو، د قرغهيي او الینګار ولسوالیو د ابتدائیه محاکمو رئیسانو او د تحریراتو آمر په ملتیا، په ۱۴/ ۴/ ۱۴۴۸ هـ ق نېټه د یاد ولايت له عمومي زندان څخه لیدنه وکړه.
د ليدنې په پيل کې یاد پلاوي د بندیانو حالت له نږدې وکاته؛ د هغوی ستونزې يې واورېدې، همداراز د بندیانو د زدکړو، هنري کسبونو او د هغوی د اوسېدو ځای او د خوړو په اړه یې معلومات ترلاسه کړل.
په پای کې د بنديانو لهخوا یاد پلاوي ته پوره ډاډ ورکړل شو؛ چې کومه ستونزه نلرو او ټولو برخو ته مو په ښه ډول رسېدنه کېږي.
