د کندهار ولايت مرافعه محکمې رئيس د یاد ولايت د سپين بولدک او تخت‌پُل ولسواليو له ابتدائیه محاکمو څخه ليدنه وکړه
د کندهار ولایت مرافعه محکمې عمومي رئیس محترم شیخ محمد (محمدي)؛ د جزا دېوان رئیس مولوي محمد صادق، د تحریراتو رئیس محترم ذبیح الله (کوشان) او د حقوقو آمر مولوي امیر محمد په ملتیا، په ۲۰ /۴ /۱۴۴۷ هـ ق نېټه د یاد ولایت د سپین بولدک او تخته‌پُل ولسوالیو له ابتدائیه محاکمو څخه لیدنه وکړه.
دغه پلاوي د ليدنې په پيل کې د یادو محاکمو له قضائي غړو او اداري کارکوونکو سره ناسته وکړه، د قضائي او اداري چارو په اړه ورسره بحث وشو او لازمې لارښوونې ورته وشوې.
د ناستې په دوام د تحریراتو رئیس لخوا ګډونوالو ته جزائي او حقوقي اندراجونه، صادره او وارده تشریح شول.
دغه راز ياد پلاوي د سپین بولدک ولسوالۍ له ولسوال او علماوو شورا رئیس سره هم ليدنه وکړه، په ليدنه کې ټينګار وشو چې د کارونو پرمختګ او لا ښه سمون په موخه دې وخت پر وخت د همغږۍ غونډې وشي، ترڅو د هېوادوالو ستونزې پر وخت حل او فصل شي.
