د فراه ولايت مرافعه محکمې يوه پلاوي د یاد ولايت له مرکزي زندان څخه ليدنه وکړه
د فراه ولایت مرافعه محکمې عمومي رئیس الحاج شیخ غلام رسول (احساني) د شفاهي هدایت پر اساس د دې محکمې د جزا دېوان رئیس مولوي محمد اسماعیل (منصور) په مشرۍ پلاوي، چې د یاد دېوان مفتي، د ښاري ابتدائیه محکمې د جزا دېوان رئیس او مفتي او د امنیت عامه دېوان رئیس او مفتي يې غړيتوب درلود؛ په ۲/ ۳/ ۱۴۴۷ هـ ق د یاد ولايت له مرکزي زندان څخه لیدنه وکړه.
یاد پلاوي د مرکزې زندان د ټولو بندیانو نارینه‌وو، ښځو، ماشومانو او په نشه‌يي توکو روږدو بنديانو څخه لیدنه وکړه.
دغه پلاوي له زندان څخه د لیدنې بشپړ راپور د مرافعه محکمې له عمومي رئیس سره شریک کړ.
له مرکزي زندان او بنديانو څخه د یاد پلاوي ليدنه په ۹/ ۳/ ۱۴۴۷ هـ ق نېټه پای ته ورسېده.
