په کندهار ولايت کې نيول شوي نشه‌يي توکي وسوځول شول
د کندهار ولايت ښاري ابتدائیه محکمې د پرېکړې له مخې نيول شوي نشه‌يي توکي چې مقدار يې (۸۷۸ ،۱۳۳۳۳) کیلو ګرامو ته رسېده؛ د ټاکل شوي پلاوي په شتون کې په ۲۶/ ۲/ ۱۴۴۷ هـ ق نېټه وسوځول شول.
په یادو نشه يي توکو کې تارياک، هيروئین، شيشه، چرس، تابليت کا، د تارياکو دوا، اومان او يو شمېر نور نشه‌يي توکي شامل وو.
په یاد پلاوي کې د ښاري ابتدائیه محکمې، د ولايت مقام، د عامې روغتيا او امربالمعروف ریاستونو او د نشه يي توکو سره د مبارزې مديریت استازو ګډون درلود.
د یادونې وړ ده چې یاد نشه‌يي توکي د سپين بولدک ولسوالۍ او نشه يي توکو سره د مبارزې مديريت په ډيپوګانو کې ضبط شوي وو؛ چې د مقدار له معلومولو وروسته د پلاوي په شتون کې وسوځول شول.
