د کندهار ولايت مرافعه محکمې رئيس په مشرۍ اداري غونډه وشوه
د کندهار ولایت مرافعه محکمې عمومي رئيس محترم شیخ غلام حضرت (ابوالمنذر) په مشرۍ؛ د دېوانونو رئيسانو او غړو، د مرافعه محکمې مرستيال، اختصاصي محکمې رئیس او غړو، د وثایقو آمر او غړو او د تحریراتو رئیس په ګډون په ۱/ ۱۱/ ۱۴۴۶ هـ ق نېټه اداري غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې محترم ابوالمنذر خبرې وکړې وويل، حاضرۍ ته دې ډېره پاملرنه وشي، د حاضرۍ په کتاب کې د سهار او ماسپښین لاسلیک پر خپل وخت وکړي.
د غونډې په دوام د قضائي او اداري چارو د لا ښه سمون په موخه د ټولو ګډونوالو نظرونه واورېدل شول او په اړه يې لازمې پرېکړې وشوې.
دغه راز په دې غونډه کې په ځينو قضائي او اداري موضوعاتو باندې تفصیلي بحثونه وشول، ځينې موضوعات راتلونکې غونډې ته پرېښودل شول او قضاتو ته هدایت وشو، چې په اړه یې مطالعه وکړي او بلې غونډې ته تحریري معلومات وړاندې کړي.
غونډه د دعا په ویلو پای ته ورسېده.
