د غزني مرافعه محکمې رئیس د یاد ولایت له والي سره د همغږۍ غونډه وکړه
د غزني ولایت د مرافعه محکمې رئیس محترم مولوي عزیزالله (حیدري) په مشرۍ، د ياد ولایت د محترم والي، د مرافعه محکمې د دېوانونو رئیسانو، مفتیانو، او محررینو په ګډون په ۴/ ۷/ ۱۴۴۶ هـ ق نېټه د همغږۍ غونډه وشوه.
د غونډې په پيل کې د مرافعه محکمې رئيس د غونډې ګډونوالو ته ښه راغلاست ووايه، ورپسې محترم والي ګډونوالو ته هر اړخيزه وینا وکړه او د محاکمو له مسؤولينو سره یې ليدنه اړینه وبلله او خوښي يې څرګنده کړه.
د غونډې په دوام د همغږۍ په ارزښت خبرې وشوې او د ناستې ګډونوالو له یو بل سره د چارو د ښه ترسره کولو په موخه د هر ډول اصولي همکارۍ او ښې همغږۍ ډاډ ورکړ.
غونډه د دعا په ويلو پای ته ورسېده.
