د نورستان ولایت د مرافعه محکمې رئیس په مشرۍ اداري ناسته وشوه
د نورستان ولایت د مرافعه محکمې د رئیس محترم عبیدالله (سلیم) په مشرۍ د یاد ولايت د مرافعه او ښاري محاکمو منسوبینو، د وانټ وایګل ولسوالۍ مفتي عبدالرزاق، د ښاري محکمې رئيس مولوي محمد سعید (احمدي)، د دېوانونو رئیس صاحبانو او قضاتو په ګډون په ۱۹/۴/۱۴۴۶هـ ق نېټه اداري ناسته وشوه.
ناسته د قرآنکريم د مبارکو آیاتونو په تلاوت پیل شوه؛ ورپسې د مرافعه محکمې رئيس قضاتو ته د وينا په ترڅ کې د حاضرۍ په پابندۍ، په ټاکلي وخت قضایاوو ته پر رسېدنه، له مراجعینو سره په غوره چلند، په اجراآتو کې پر شفافیت، د شرعي اصولو پر مراعاتولو او ور سپارل شوو مسؤولیتونو ته د شریعت په رڼا کې پر رسېدنه ټینګار وکړ.
ورپسې ګډونوالو په خپل وار سره د قضاء دندې او مسؤولیت په تړاو هر اړخيزې خبرې وکړې او د يو بل په همغږۍ سره د اړوند موضوعاتو په اړه پرېکړې وشوې.
غونډه د دعا په ویلو سره پای ته ورسېده.
