په خوست ولایت کې شپږو مجرمینو ته تعزیري سزا ورکړل شوه
د خوست ولایت د ښاري ابتدائیه محکمې د جزا او عامه امنيت دېوانونو د پرېکړو په اساس په ۱/ ۶/ ۱۴۴۶ هـ ق نېټه شپږو کسانو ته د نامشروع اړیکو، فريبکارۍ او رشوت اخیستلو په جرم په عام محضر کې تعزیري سزا ورکړل شوه.
ابتدائيه محکمې د یادو کسانو له ډلې څلور مجرمين پر یوـ یو کال تنفیذي بند او ۳۵ - ۳۵ دُرو تعزیري سزا، یو مجرم پر دوه کاله تنفیذي بند او ۳۵ دُرو تعزیري سزا او شپږم مجرم پر یوه کال تنفيذي بند او (۳۹) دُرو تعزیري سزا محکوم کړی و.
په دې موخه جوړه شوې غونډه کې د خوست ولایت د مرافعه محکمې عمومي رئيس محترم مولوي امین الله (منیب)، د ښاري ابتدائيه محکمې رئیس مولوي نقیب الله (ذاکر)، قضائي او نظامي منسوبینو او عامو هېوادوالو ګډون درلود.
یاده پرېکړه د سترې محکمې د عالي مقام له تائید وروسته پر مجرمينو تطبیق شوه.
