د روزګان د مرافعه محکمې رئيس د ياد ولايت له عمومي محبس څخه ليدنه وکړه

د روزګان ولایت د مرافعه محکمې عمومي رئيس الحاج شیخ سخیداد (ابوالتقي) په (۲۱/جمادی الثانیه/۱۴۴۵) هـ ق نېټه د ياد ولایت له عمومي محبس څخه لیدنه وکړه.
د ليدنې په پيل کې د مرافعه محکمې رئيس د محبس له مسؤولینو سره وکتل، ورپسې يې د محبس د ټولو بندیانو ستونزې واورېدې، ابوالتقي صاحب ټولو بندیانو ته ډاډ ورکړ چې ستاسې اړوند مواردو ته به د اصولو او شریعت په چوکاټ کې رسېدنه کېږي. 
د ليدنې په دوام د مرافعه محکمې عمومي رئيس د محبس مسؤولینو ته سپارښتنې وکړې او ورته وويل، ټولو بندیانو ته په یوه سترګه ګورئ، ډېر نرم سلوک او چلند ورسره کوئ، د هر بندي خیال ساتئ، کوم بندي چې مریض وي په ټاکلي وخت يې درملنه کوئ. 
د ليدنې په پای کې د محبس مسؤولینو وويل، ستاسو ټولې سپارښتنې منو او د ياد محبس ټولو بندیانو د روزګان ولایت د مرافعه محکمې له رئيس څخه خپل پوره رضايت څرګند کړ چې د دوی موضوعاتو ته پر وخت رسېدنه کوي.