د میدان وردګ ولايت محاکمو په یوه میاشت کې د (۲۴۱) دوسیو پر حل او فصل سربېره (۱۰۰) وثیقې هم اجرا کړې دي

د ميدان وردګ ولايت مرافعه محکمې، ښاري ابتدائیه محکمې او د ټولو ولسواليوو ابتدائیه محاکمو په يوه مياشت کې د ۱/ ۵/ ۱۴۴۵هـ ق نېټې څخه ۳۰/ ۵/ ۱۴۴۵ هـ ق نېټې پوري د (۲۴۱) دوسيو پر حل او فصل سربېره، (۱۰۰) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې:
په تېره یوه میاشت کې (۱۶۵) حقوقي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۲۱) دوسیې مکتوبي مستردې شوې، د (۱۴۵) دوسیو په اړه قضائي قرارونه صادر شوي، (۳۳) دوسیې فیصله شوې او پاتې دوسیې تر کار لاندې دي.
په جزائي برخه کې:
په تېره یوه میاشت کې (۴۱) جزائي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۳) دوسیې مکتوبي مستردې شوې، د (۱۹) دوسیو په اړه قضائي قرارونه صادر شوي، (۲۰) دوسیې فیصله شوې او پاتې دوسیې تر کار لاندې دي.
د وثيقو برخه کې:
د ميدان وردګ ولايت محاکمو په يوه مياشت (۱۰۰) بېلا بېل وثیقې هم اجرا کړې دي.