د لغمان د استیناف رئیس د علینګار ابتدائیه محکمې څخه لیدنه وکړه
د ۱۴۴۴کال د ربیع الثاني میاشتې په ۱۴مه نېټه د لغمان ولایت د مرافعه محکمې عمومي رئیس مفتي عبدالله (فرقاني) د دغه ولایت د علینګار ولسوالۍ د ابتدائیه محکمې څخه لیدنه وکړه.
په دې لیدنه کې چې د لغمان ولایت د استیناف محکمې د جزاء دېوان رئیس مفتي عارف الله(عنایت) او د تحریراتو امر شفیع الله(عابد) د استیناف محکمې د رئیس ملتیا کوله د یادې محکمې له قضائي او اداري چارواو دغه راز د حاضرۍ له کتاب څخه لیدنه وکړه.
د محکمې مسؤولینو او کارکوونکو ته یې حاضرۍ ته پر پابندۍ او په چارو کې د شفافیت په اړه لازم هدایات ورکړل او زیاته ئې کړه چې د خلق الله کارونه په خپل وخت ترسره کړئ، له مراجعینو سره ښه چلند کوئ، ترڅو دا ځورېدلی ملت نور ونه ځورېږي.
ورپسې د جزاء دېوان رئیس د جزائي دوسیو په اړه لازم توضیحات ورکړل، اداري برخه کې یې د یادې محکمې د چارو د اصلاح او لا بهبود په موخه د ابتدائیه محکمې کارکوونکو ته لازمې لارښوونې وکړې.
