د بلخ محاکمو د دوو اونيو په ترڅ کې د (۳۶۶) دوسیو په حل او فصل سربېره (۴۲۶) وثیقې هم اجرا کړې دي
په دغه راپور کې له ۱۴۴۴/۱۲/۲۰ هـ ق نېټې څخه تر ۱۴۴۵/۱/۳ هـ ق نېټې د بلخ ولایت اړوند مرافعه محکمې، د زون نظامي محکمې، د ښاري محکمې دېوانونو او ټولو ابتدائیه محاکمو قضائي او حقوقي او وثایقو آمریت اجراآت شامل دي.
په حقوقي برخه کې:
په یاده موده کې د بلخ ولایت محاکمو ته (۲۱۷) بېلا بېلې حقوقي(مدني او تجارتي) دوسیې واردې شوې دي؛ په داسې حال کې چې مخکې هم یو شمېر دوسیې موجودې وې.
له دې ډلې (۵۳) دوسیې فیصله شوې دي، (۳۴) دوسیې مکتوبي مستردې شوې، د (۱۴۰) دوسیو په اړه قرار قضائي صادر شوې او نورې تر کار لاندې دي.
په جزائي برخه کې:
په یاده موده کې د بلخ ولایت محاکمو ته (۱۴۶) بېلا بېلې جزائي دوسیې واردې شوې دي، په داسې حال کې چې مخکې هم یو شمېر دوسیې موجودې وې.
له دې جملې څخه (۵۸) دوسیې فیصله شوې دي، (۶۶) دوسیې مکتوبي مستردې شوې دي، د (۱۵) دوسیو په تړاو قرار قضائي صادر شوي او پاتې نورې تر کار لاندې دي.
