د هلمند د مرافعه محکمې رئیس د دغه و لایت د یو شمېر ابتدائیه محاکمو له قضاتو سره وکتل
د هلمند د مرافعه محکمې رئیس محترم ابوسعید (غزنوي) د روان هجري قمري کال د جمادي الثاني میاشتې په ۲۶/۲۸ او ۲۹ نېټو د دغه ولایت د برابجي، نوزاد، سنګین، خانشین، باباجي، ناوې، مارجې او نادعلي ولسوالیو د ابتدائیه محاکمو له قضاتو سره وکتل.
په یادو ناستو کې د محاکمو د مسؤولینو ترمنځ په مهمو قضائي او ادارو مواردو لکه د فیصلو ترتیب او تنظیم او دغه راز د ابتدائیه محاکمو د اړتیا وړ اجناسو په اړه بحث وشو.
په یادو ناستو کې د مرافعه محکمې رئیس د ابتدائیه محاکمو قضاتو ته د مهمو لارښوونو سربېره د دوی مشکلات او اړتیاوې واورېدې.
د هلمند د مرافعه محکمې رئیس د ټولو ابتدائیه محاکمو قضاتو ته توصیه وکړه چې د مراجعینو مشکلاتو ته دې په ټاکلي وخت رسېدنه کوي، ځکه دا د خلکو حق او الهي مسؤولیت دی چې باید په ښه ډول ترسره شي.
