د کابل ولايت قره باغ ولسوالۍ ابتدائیه محکمې مسؤولينو په هڅو د دوو کورنيو ترمنځ د قتل موضوع حل شوه
د کابل ولايت قره باغ ولسوالۍ ابتدائیه محکمې مسؤولينو په ډېرو هڅو؛ د قومي مشرانو او علماوو په منځګړيتوب، په ۴ /۱۲ / ۱۴۴۷هـ ق نېټه د دوو کورنيو ترمنځ د قتل موضوع حل او فصل شوه.
یاده موضوع ابتدائیه محکمې ته تر راجع کېدو وروسته په غور او دقت سره وڅېړل شوه، د محکمې لخوا د حکم له صادرېدو مخکې دواړه طرفونه سولې ته وهڅول شول او دوی هم ومنل.
د مقتول کورنۍ د سولې له منلو وروسته د محکمې لخوا رسمي غونډه جوړه شوه، چې په کې د دواړو طرفونو قومي مشرانو او علماوو هم ګډون درلود.
په دې غونډه کې د مقتول وارثينو قاتل ته بخښنه وکړه او موضوع يې رسماً پای ته ورسېده.
