د کابل ولايت قره باغ ولسوالۍ ابتدائیه محکمې مسؤولينو په هڅو د دوو کورنيو ترمنځ د قتل موضوع حل شوه
د کابل ولايت قره باغ ولسوالۍ ابتدائیه محکمې د مسؤولينو په ډېرو هڅو؛ د قومي مشرانو او علماوو په منځګړيتوب، په ۱۷ /۷ /۱۴۴۷هـ ق نېټه د دوو کورنيو ترمنځ د قتل موضوع حل او فصل شوه.
یاده موضوع چې د روان هـ ق کال په پیل کې د قره باغ ولسوالۍ اړوند (پیتاوه) کلي کې پیښه شوې وه؛ ابتدائیه محکمې ته تر راجع کېدو وروسته په غور او دقت وڅېړل شوه او د ابتدائیه محکمې لخوا دواړه طرفونه سولې ته وهڅول شول او دوی هم ومنله.
وروسته ياده موضوع د يوې غونډې په ترڅ کې چې قومي مشرانو هم په کې ګډون درلود حل شوه؛ د مقتول وارثينو قاتل ته بخښنه وکړه، دښمني يې په دوستۍ بدله شوه او مضوع يې رسماً پای ته ورسېده.
