د کندهار زون نظامي محکمې عمومي رئيس روزګان ولايت ته سفر وکړ
د کندهار زون نظامي محکمې عمومي رئيس محترم مولوي محمدګل (صياد)؛ په ۲٦/ ٦/ ۱۴۴۷هـ ق نېټه روزګان ولايت ته سفر وکړ.
د کندهار زون نظامي محکمې رئيس په دغه سفر کې د یاد ولايت د نظامي محکمې له څانګې ليدنه وکړه او د يادې محکمې د چارو بهير او کاري پرمختګ يې له نږدې وکاته.
د ليدنې په دوام د کندهار زون نظامي محکمې رئيس د یاد ولايت له محترم والي، د استخباراتو رئيس، امنيه قوماندان او لېوا قوماندان سره وکتل، لیدنه کې د محاکمو د اصولو پر مراعات، د قضائي پرېکړو پر تطبيق، د امنيتي ارګانونو او محاکمو ترمنځ د همکارۍ او همغږۍ پر موضوعاتو باندې بحث وشو.
لیدنه کې یادو مسؤولينو ژمنه وکړه چې د قضائي پرېکړو د اجرا، د محاکمو د اصولو مرعاتولو، د امنيتي او قضائي ارګانونو ترمنځ د همغږۍ او همکارۍ لپاره به لازم اقدامات ترسره کوي.
