د کابل ولایت د حقوقو ریاست په یوه میاشت کې (۲۴۱۱) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د کابل ولایت د حقوقو ریاست په یوه میاشت کې له ( ۱۴۴۷/۵/۱ هـ ق څخه تر ۱۴۴۷/۵/۳۰ هـ ق) نېټې پورې (۲۴۱۱) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د کابل ولایت د حقوقو ریاست په یوه میاشت کې د مدني، فاميلي او سوداګریزو دعواوو په برخه کې (۱۶۴۸) عرضپاڼو ته رسېدنه کړې ده.
له دې جملې څخه (۱۳۷) عرضپاڼې اصلاح او ابراء شوې، (۴۶۱) عرضپاڼې محاکمو ته لېږل شوې، (۹۵) عرضپاڼې نورو ادارو ته راجع شوې، (۹۵۵) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د کابل ولایت د حقوقو ریاست په یوه میاشت کې د مدني، فاميلي او سوداګریزو دعواوو په برخه کې (۷۶۳) دوسيو ته رسېدنه کړې ده.
له دې جملې څخه (۵۵) دوسيې تطبيق شوې، (۱۳۹) دوسيې محاکمو ته لېږل شوې، (۹۲) دوسيې نورو ادارو ته راجع شوې، (۴۷۷) دوسيې حفظ شوې او پاتې دوسیې تر کار لاندې دي.
