د کابل ولایت مرافعه محکمې مرستیال او د وثایقو د ثبت آمرینو ترمنځ اداري غونډه وشوه
د کابل ولایت مرافعه محکمې مرستیال محترم مفتي محمد مبین (الطاف) په مشرۍ؛ د روان ۱۴۴۷هـ ق کال د جمادی الآخرة میاشتې په ۸مه نېټه، د کابل ولایت د وثایقو آمریتونو له آمرینو سره اداري غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې د غونډې ګډونوالو د هېوادوالو ستونزو د حل، د کارونو د چټکتیا او بهبود په اړه خپل نظرونه وړاندې کړل.
د غونډې په دوام له بحث وروسته د ستونزو حللارې په ګوته شوې او د مرافعه محکمې مرستيال لخوا د ادارو ترمنځ د لا ښې همغږۍ پر ټینګښت ټینګار وشو او د خدماتو د کچې د لوړولو په موخه ورته مهمې سپارښتنې وشوې.
غونډه د مرافعه محکمې مرستیال لخوا د دعاء په ویلو پای ته ورسېده.
