د زابل ولايت ښاري ابتدائيه محکمې رئيس په مشرۍ اداري غونډه وشوه
د زابل ولايت ښاري ابتدائيه محکمې رئيس محترم مفتي موسی کليم (برهاني) په مشرۍ؛ د دېوانونو رئيسانو او قضائي غړو په ګډون، په ۲۶/ ۴/ ۱۴۴۷ هـ ق نېټه اداري غونډه وشوه.
غونډه د قرآنکريم د څو مبارکو آیاتونو په تلاوت پيل شوه؛ ورپسې د ښاري ابتدائیه محکمې رئيس خبرې وکړې وويل، د حاضرۍ پابندي کوئ، له اړتیا پرته غير حاضري مکوئ او که کوم کس ته اړين کار پيدا شو، خپل رئيس ته خبر ورکوئ.
د غونډې په دوام د تعزیري سزاګانو لپاره د ځای پر انتخاب، د تعزیري سزاګانو پر مهال د امنيت ساتنې او په نورو مهمو موضوعاتو بحث او خبرې وشوې.
غونډه د دعاء په ويلو پای ته ورسېده.
