د کندهار ولايت مرافعه محکمې رئيس په مشرۍ له نورو امارتي ادارو سره د همغږۍ غونډه وشوه
د کندهار ولایت مرافعه محکمې عمومي رئیس محترم شیخ غلام حضرت (ابوالمنذر) په مشرۍ؛ د ښاروالۍ، کرنې، اوبو لګولو او مالدارۍ او مستوفیت استازو، د ثبت اسناد وثايقو آمر او عضو مفتي او د تحریراتو رئیس په ګډون په ۲۱/ ۱۲/ ۱۴۴۷ هـ ق د همغږۍ غونډه وشوه.
په دې غونډه کې د مرافعه محکمې رئیس د امارتي ادارو استازو سره د املاکي موضوعاتو چې د یادو ادارو لخوا معلومات وخت پر وخت ورکول کېږي او ځينې وخت په یوه موضوع کې د دویم ځل لپاره معلومات غوښتل کېږي؛ د لومړي ځل معلوماتو سره توپیر لري، بحث او خبرې وکړې.
د غونډې په دوام له تفصیلي بحث وروسته پرېکړه وشوه چې په راتلونکي کې به یادې اداري په دقیق ډول د املاکي موضوعاتو په اړه معلومات وړاندې کوي تر څو کومه ستونزه پيدا نشي.
غونډه د دعا په لوستلو پای ته ورسېده.
