د زابل ولايت شهرصفا ولسوالۍ ابتدائيه محکمې مسؤولينو په هڅو د قتل موضوع حل شوه
د زابل ولایت شهرصفا ولسوالۍ ابتدائيه محکمې رئيس محترم مولوي عزيز الله په ډېرو هڅو؛ د قومي مشرانو او علماوو په منځګړيتوب په ۲۱/ ۱۲/ ۱۴۴۶ هـ ق ترافیکي پېښه کې رامنځته شوې د قتل موضوع حل شوه.
ياده ترافيکي پېښه د شهرصفا ولسوالۍ اړوند بريام مانده په سيمه کې د پريس موټر او موټرسايکل د ټکر له امله رامنځته شوې وه؛ چې په پایله کې د موټرسايکل چلونکی په شهادت رسېدلی و.
دغه قضيه ابتدائیه محکمې ته تر راجع کېدو وروسته په غور او دقت وڅيړل شوه؛ ورپسې د مسؤولينو په ډېرو هڅو، د قومي مشرانو او علماوو په منځګړيتوب د مقتول وارثينو قاتل ته بخښنه وکړه او موضوع يې رسماً پای ته ورسېده.
