د سترې محکمې په تشکیلاتو کې د یو لړ ټاکنو په هکله د عالیقدر امیرالمؤمنین (حفظه‌الله تعالی) حکم
د عالیقدر امیرالمؤمنین (حفظه‌الله تعالی) د (۸۰۳/۵۸۵۲)شمېرې،(۲۶/۱۰/۱۴۴۶هـ ق) نېټې حکم په اساس لاندې کسان د سترې محکمې په تشکیلاتو کې پر دندو وګمارل شول:
1. محترم مولوي عبدالشکور (رشاد) د نوراحمد زوی د ننګرهار ولایت د مرافعه محکمې رئیس، تبدیلاً د کابل زون نظامي محکمې د قاضي په توګه په کمبود بست کې.
2. محترم مولوي فضل الحق محمدي د کابل زون نظامي محکمې د قاضي په توګه د مولوي عبدالوارث پر ځای.
3. محترم مولوي محمد آغا نورالهدی د محمداکبر جان آغا زوی د هلمند ولایت د سنګین ولسوالۍ ابتدائیه محکمې عضو مفتي، تبدیلاً د کابل زون نظامي محکمې د عضو مفتي په توګه په کمبود بست کې.
4. محترم مولوي عبدالهادي د عبدالله زوی د هلمند ولایت د واشیر ولسوالۍ ابتدائیه محکمې عضو مفتي، تبدیلاً د کابل زون نظامي محکمې د عضو مفتي په توګه د مولوي زاهد پر ځای.
5. محترم مولوي رحمت الله د میراجان زوی د لوګر ولایت د مرافعه محکمې د مدني دېوان عضو محرر، تبدیلاً د کابل زون نظامي محکمې د عضو محرر په توګه په کمبود بست کې.
6. محترم مولوي ګل احمد د بازمحمد زوی د بلخ ولایت د غصب شویو ځمکو د مخنیوي (اختصاصي) محکمې عضو محرر، تبدیلاً د کابل زون نظامي محکمې د عضو محرر په توګه د مولوي نورالحق پر ځای.
7. محترم مولوي نورالحق د ملا محمدګل اخند زوی د کابل زون نظامي محکمې عضو محرر، تبدیلاً د ننګرهار ولایت د مرافعه محکمې د عامه امنیت دېوان د عضو مفتي په توګه د مولوي ولي محمد پر ځای.
8. محترم مولوي عبدالوارث د مولوي عبدالله زوی د کابل زون نظامي محکمې قاضي، تبدیلاً د کندوز ولایت د مرافعه محکمې د تجارتي دېوان د عضو مفتي په توګه په کمبود بست کې.
د الله (جل‌جلاله) له دربار څخه د اسلام د سپېڅلي شریعت په رڼا کې د ورسپارل شویو چارو په ترسره کولو کې ورته توفیق غواړم.
