د ننګرهار ولايت محاکمو په دوو اونيو کې (۳۶۵) دوسیو ته پر رسېدنه سربېره، (۱۳۰) وثیقې هم اجرا کړې دي

د ننګرهار ولايت مرافعه، وثايقو، ښاري ابتدائیه او د ټولو ولسواليو ابتدائیه محاکمو په دوو اونيو کې له ( ۱۵/ ۹/ ۱۴۴۶ هـ ق څخه تر ۲۹/ ۹/ ۱۴۴۶ هـ ق) نېټې پورې (۳۶۵) دوسيو ته رسېدنه کړې او (۱۳۰) وثيقې یې هم اجرا کړې دي؛ چې جزئيات يې په لاندې ډول دي.
په حقوقی برخه کې:
د ننګرهار ولایت محاکمو ته په دوو اونيو کې (۹۱) حقوقي دوسيې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۶۶) دوسیو په تړاو قضائي قرارونه صادر شوي، (۳۵) دوسیې فیصله شوې، (۲۲) دوسیې مکتوبي مستردې شوې او پاتې دوسيې تر کار لاندې دي.
په جزائي برخه کې:
 د ننګرهار ولایت محاکمو ته په دوو اونيو کې (۱۳۵) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۵۰) دوسیو په تړاو قضائي قرارونه صادر شوي، (۱۲۸) دوسیې فیصله شوې، (۱۶) دوسیې مکتوبي مستردې شوې او پاتې دوسیې تر کار لاندې دي.
په تجارتي برخه کې:
د ننګرهار ولايت محاکمو ته په دوو اونيو کې (۴۳) تجارتي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه د (۲۸) دوسیو په تړاو قضائي قرارونه صادر شوي، (۱۲) دوسیې فیصله شوې، (۸) دوسیې مکتوبي مستردې شوې او پاتې دوسيې تر کار لاندې دي.
د وثيقو برخه کې:
د ننګرهار ولايت محاکمو په دوو اونيو کې (۱۳۰) بېلابېلې وثيقې هم اجرا کړې دي.