د سترې محکمې د جزا دېوان عمومي رئیس خوست ولایت ته د سفر پر مهال د (۷) جزائي دوسیو په اړه وروستۍ څېړنې بشپړې کړې

m_admin
سه‌شنبه ۱۴۰۳/۱۱/۱۶ - ۱۵:۱۴
د سترې محکمې د جزا دېوان عمومي رئیس خوست ولایت ته د سفر پر مهال د (۷) جزائي دوسیو په اړه وروستۍ څېړنې بشپړې کړې

د سترې محکمې د جزا دېوان عمومي رئیس محترم مفتي عتیق الله (دروېش) د سترې محکمې د رئیس او قاضي القضات محترم شیخ عبدالحکیم (حقاني) صاحب په ځانګړي هدایت، په ۴/شعبان المعظم/۱۴۴۶ هـ ق نېټه د یو شمېر مهمو جزائي دوسیو په اړه د وروستیو څېړنو د بشپړولو په موخه خوست ولایت ته سفر وکړ.

د جزاء دېوان عمومي رئیس چې مفتي عبدالحی شاکر او مفتي فضل الرحمن (قاسمي) یې ملتیا کوله خوست ولایت ته د دغه سفر پر مهال یاد ولایت کې د (۷) جزائي دوسیو په اړه وروستۍ څېړنې بشپړې کړې.

محترم مفتي عتیق الله (دروېش) د یاد سفر پر مهال د خوست ولایت د مرافعه محکمې له رئیس او اړوند قضائي غړو سره وکتل، د جزائي موضوعاتو د حل او فصل په موخه یې تر تفصیلي خبرو وروسته ورته لازم هدایات وکړل.

دغه راز د سترې محکمې د جزا دېوان عمومي رئیس او ورسره مل پلاوي په یاد سفر کې د جزائي دوسیو له جانبینو سره هم وکتل او له هغوی یې د دوسیو په اړه وروستي بشپړ تحقیقات وکړل.

په دې سربېره محترم مفتي عتیق الله (دروېش) د خوست له والي محترم مولوي عبدالقیوم (روحاني) سره کتنه کې د امارتي ادارو ترمنځ د همغږۍ پر تقویه او نورو اړوند مهمو موضوعاتو تفصیلي خبرې وکړې.

د سترې محکمې دغه قضائي پلاوي د یادو لیدنو علاوه د خوست ولایت علي شېر ولسوالۍ ته سفر وکړ، په یاده ولسوالۍ کې یې د تېرې امنیتي پېښې ځای له نږدې ولید او د قربانیانو له کورنۍ سره یې وکتل، دوی ته یې پر تسلیت سربېره ډاډ ورکړ چې د اسلامي امارت محاکم به د دې پېښې عاملین د شریعت مطابق مجازات کړي.

دغه راز د جزا دېوان رئیس امنیتي مسؤولینو ته سپارښتنه وکړه چې د یادې پېښې جدي پلټنه وکړي، ټول عاملین یې پیدا او دوسیې یې د شرعي پرېکړو په موخه اړوند محکمې ته راجع کړي.

د یادونې وړ ده چې د سترې محکمې د جزا دېوان عمومي رئیس محترم مفتي عتیق الله (دروېش) له دې مخکې هم د جزائي دوسیو په اړه د وروستیو تحقیقاتو بشپړولو په موخه پکتیا او پکتیکا ولایتونو ته سفرونه کړي.

 

تازه ترین اخبار

شنبه ۱۴۰۳/۱۱/۲۷ - ۱۳:۴۳
Background image

جلسۀ هماهنگی ميان مسؤولين ادارات عدلی، قضائی و اجرائیوی ولایت فاریاب برگزار گردید

تحت ریاست الحاج مولوی علی گل (حمیدی) رئیس عمومی محکمۀ مرافعۀ ولایت فاریاب؛ با اشتراک مولوی حمیدالله‌‌ (ارشاد) معاون مقام ولایت، رئیس شورای علماء، نماینده‌گان‌ ریاست‌ استخبارات،. . .

شنبه ۱۴۰۳/۱۱/۲۷ - ۱۱:۴۳
Background image

رئیس محکمۀ مرافعۀ ولایت کاپیسا با رئیس شورای علماء آن ولایت دیدار نمود

محترم مولوی عزیزالرحمن (حقانی) رئیس محکمۀ مرافعۀ ولایت کاپیسا؛ با حضورداشت محترم مولوی عبدالرؤف (سعادت) رئیس محکمۀ ابتدائیۀ شهری به تاریخ ۱۴ /۸ /۱۴۴۶ هـ ق ، با رئیس شورای علماء و اعضای. . .

پنجشنبه ۱۴۰۳/۱۱/۲۵ - ۱۱:۵۰
Background image

حکم جزای تعزیری بالای پنج متهم در ولايت تخار تطبيق شد

به اساس فيصلۀ محکمۀ ابتدائيۀ ولسوالی ینگی قلعه ولايت تخار به شمول يک زن بالای پنج تن که متهم بر زنا، لواطت و سرقت بودند؛ امروز پنجشنبه مؤرخ ۱۴/ ۸/ ۱۴۴۶ هـ ق در چمن ورزشی شهرداری محکمۀ. . .

بازگشت به اخبار