د خوست د مرافعه محکمې رئيس د یاد ولایت د اختصاصې محکمې او حقوقو له آمریت څخه لیدنه وکړه
د خوست ولایت د مرافعه محکمې رئيس محترم مفتي امین الله (منیب) د تحريراتو د آمر په ملتيا د یاد ولایت له اختصاصي محکمې او حقوقو آمریت څخه په ۲۳ /۶ /۱۴۴۶هـ ق نېټه ليدنه وکړه.
د مرافعه محکمې رئیس په دې لیدنه کې د اختصاصي محکمې او حقوقو آمريت د قضائي او اداري منسوبینو اجراآت وکتل، د چارو د لا ښه سمون او چټکتيا په موخه يې لازمې لارښوونې ورته وکړې او زیاته يې کړه، همغږي مو لا پياوړې کړئ، د خلکو ستونزو ته پر وخت رسېدنه وکړئ او د محاکمو ټولو اصولو ته بشپړ پابند پاتې شئ.
د لیدنې په پای کې د یادې محکمې او آمریت اړتیاوې واورېدل شوې او مسؤولینو ته یې د پوره کولو ډاډ ورکړل شو.
