محترم مولوي عبدالله (فياض) د پکتيکا ولايت د مرافعه محکمې د مرستيال په توګه معرفي شو
د پکتیکا ولایت د مرافعه محکمې د مدني او حقوق عامه دېوان مخکنی رئیس محترم مولوي عبدالله (فیاض) د مرافعه محکمې د مرستيال، د یاد ولایت د ښاري ابتدائیه محکمې د جزا دېوان مخکنی رئیس مولوي (حاذق) د مرافعه محکمې د مدني او حقوق عامه دېوان د رئیس په توګه په ۱۵/ ۵/ ۱۴۴۶ هـ ق نېټه د يوې غونډې په ترڅ کې معرفي شول.
د مرافعه محکمې د یادو مسؤولینو د معرفت غونډې په پيل کې د مرافعه محکمې عمومي رئیس محترم خلیفه محبوب الرحمن (نقشبندي) وینا وکړه، ټولو قضاتو او اداري کارکوونکو ته یې په قضائي او اداري چارو کې د اخلاص او صداقت په اړه لازمې سپارښتنې وکړې او د تېر په څېر یې د عالیقدر امیرالمؤمنین (حفظه‌الله) د فرامینو د تطبیق هدایت وکړ.
ورپسې د مرافعه محکمې رئیس د یادې محکمې مرستيال مولوي عبدالله (فیاض) او د مدني او حقوق عامه دېوان نوی رئیس مولوي (حاذق) حاضرینو ته معرفي او په چارو کې یې د بریالیتوب دعا ورته وکړه.
غونډه د مرافعه محکمې د رئیس په دعا پای ته ورسېده.
