د کابل ښار ابتدائيه محکمې اړوند څلور زونونو په دوو اونيو کې (۷۴۵) دوسيو ته رسېدنه کړې ده

د کابل ښار د ابتدائيه محکمې اړوند څلور زونونو په دوو اونيو کې په جزائي، حقوقي او تجارتي برخو کې د ۱۵/ ۳/ ۱۴۴۶ هـ ق څخه تر ۳۰/ ۳/ ۱۴۴۶ هـ ق نېټې پورې (۷۴۵) دوسيو ته رسېدنه کړې ده، چې جزئيات يې په لاندې ډول دي.

په جزائي برخه کې:
د کابل د ابتدائیه محکمې اړوند څلورو زونونو ته په دوو اونيو کې (۳۷۲) جزائي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه د (۴۲) دوسیو په تړاو قضائي قرارونه صادر شوي، (۲۰۱) دوسیې فیصله شوې،(۵۳) دوسیې مکتوبي اجرا شوې او پاتې دوسیې تر کار لاندې دي.

۲ـ په حقوقي برخه کې:
د کابل د ابتدائیه محکمې اړوند څلورو زونونو ته په دوو اونيو کې (۲۵۱) حقوقي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه د (۱۲۶) دوسیو په تړاو قضائي قرارونه صادر شوي، (۴۲) دوسیې فیصله شوې،(۳۶) دوسیې مکتوبي اجرا شوې او پاتې دوسیې تر کار لاندې دي.

۳ـ په تجارتي برخه کې:
 د کابل ښار د ابتدائیه محاکمو څلورو زونونو ته په دوو اونيو کې (۱۶۸) تجارتي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه د (۱۷۰) دوسیو په تړاو قضائي قرارونه صادر شوي، (۵۹) دوسیې فیصله شوې، (۱۶) دوسیې مکتوبي اجرا شوې او پاتې دوسیې تر کار لاندې دي.