د روزګان ولایت د مرافعه محکمې رئيس په مشرۍ د همغږۍ غونډه وشوه
د روزګان ولایت د مرافعه محکمې عمومي رئیس الحاج مولوي سخیداد (ابوالتقي) په مشرۍ، د مرافعه او ښاري ابتدائیه محاکمو، د نظامي محکمې اداري او خدماتي کارکوونکو او د امنیتي قطعې مسؤولينو په ګډون په ۱۹/ ۳/ ۱۴۴۶ هـ ق نېټه د همغږۍ غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئيس، مولوي محمد (رهنما) د دعوت او ارشاد آمريت د آمر په توګه معرفي کړ او سپارښتنه يې ورته وکړه چې خپله دنده د سترې محکمې د دعوت او ارشاد ریاست د لارښوونو سره سم په پوره صداقت او ایماندارۍ ترسره کړي او ټولو مجاهدینو او اداري کارکوونکو ته دې په ټاکلي وخت تدریس کوي.
دغه راز د مرافعه محکمې رئيس له مجاهدینو او اداري کارکوونکو وغوښتل چې درسونو ته په ټاکلي وخت حاضر شي او د سترې محکمې د عالي مقام د دعوت ارشاد رياست د ۱۹مادې سره سم درسي نصاب پر مخ يوسي.
د غونډی په پای کې ګډونوالو د دعوت او ارشاد آمریت د کار پر پیلېدو خوښي وښوده او غونډه د دعا په ويلو پای ته ورسېده.
