د پکتيا د مرافعه محکمې رئيس د یاد ولايت د استخباراتو رياست له مسؤولينو سره وکتل
د پکتیا ولایت د مرافعه محکمې عمومي رئیس الحاج مفتي عبیدالله (خالد) په ۱۶/ ۲/ ۱۴۴۶هـ ق نېټه د یاد ولایت د استخباراتو ریاست له اوپراتیفي معاون، اداري معاون او ښاري مدیر سره په خپل کاري دفتر کې وکتل.
د مرافعه محکمې عمومي رئیس په دې لیدنه کې د استخباراتو ریاست له مسؤولینو سره د دواړو ریاستونو پر اړوند کاري اړیکو خبرې وکړې.
د لیدنې په دوام د استخباراتو ریاست مسؤولینو له محاکمو سره د اصولي همکاریو ژمنه وکړه او زیاته یې کړه، موږ به تل له محاکمو سره اصولي همکاري کوو.
دغه راز په ناسته کې د مرافعه محکمې رئیس د استخباراتو ریاست مسؤولینو ته ځینې اصولي هدایات وکړل، د عالیقدر امیرالمؤمنین (حفظه‌الله) د ۲۷ /۱۱ /۱۴۴۵ هـ ق نېټې (۵۸۱۰) ګڼه حکم او د محبوسینو اړوند د سترې محکمې د عالي مقام د دارالانشاء محترم عمومي ریاست د ۱۸ /۱ /۱۴۴۶ هـ ق نېټې، (۱) ګڼه متحدالمآل یې ورته تشرېح کړ.
ناسته د دعا په ویلو پای ته ورسېده.
