د فراه د مرافعه محکمې رئیس د یاد ولايت د څلورو ولسوالیو له ابتدائيه محاکمو څخه لیدنه وکړه

 د فراه ولایت د مرافعې محکمې رئیس محترم الحاج مولوي محمدګل (صیاد)، د مرافعه محکمې د جزا دېوان رئیس مولوي محمد اسماعیل (منصور) او د تحریراتو آمر شفیع الله (مدثر) په ۲۲/ ۱/ ۱۴۴۶ هـ ق نېټه د فراه ولايت د بکواه، ګلستان، فراه رود او بالابلوک ولسواليو له ابتدائيه محاکمو څخه ليدنه وکړه.
په دې ليدنه کې د يادو محاکمو قضائي چارې، دوسیې، صادرې او واردې، اندراج او د عرایضو د ثبت برخې په پوره دقت وکتل شوې او د قضائي او اداري چارو د لا بهبود په موخه یاد پلاوي ورته لازمې لارښوونې وکړې.
په دې ليدنه کې د یادو ولسوالیو له زندانونو څخه هم ليدنه وشوه، د ټولو بندیانو احوال واخیستل شو، نومونه يې ولیکل شول او ډاډ ورکړل شو چې دوسيو ته به یې ژر رسېدنه کېږي.
د مرافعه محکمې پلاوي د ليدنو په وروستيو کې د یادو ولسوالیو له ولسوالانو، امنیه قوماندانانو او جنائي مدیرانو سره ناسته وکړه، د مسايلو د حل په موخه يې یادو مسؤولینو ته لازم هدایات وکړل او د محکمې سره د همغږۍ په موخه يې ورته لازمې لارښوونې وکړې.
د یادونې وړ ده چې یاد سفر او ليدنه په ۲۴/ ۱/ ۱۴۴۶ هـ ق نېټه پای ته ورسېد.