د پکتيا د مرافعه محکمې رئيس د ياد ولايت له والي سره لیدنه وکړه
په ۲۹/ ۹/ ۱۴۴۵ هـ ق نېټه د پکتیا د مرافعه محکمې عمومي رئيس الحاج مفتي عبیدالله (خالد) په خپل کاري دفتر کې د دغه ولایت له محترم والي الحاج مولوي مهرالله (حماد) سره لیدنه وکړه.
په دې ليدنه کې د پکتیا ولایت د مرافعه محکمې رئيس د ياد ولایت اړوند مسايل د پکتیا له والي سره شریک کړل.
نوموړي وويل، د اختر په شپو او ورځو کې باید د بازار نرخونه کنټرول شي، د امنیت اړوند یې له والي صاحب سره خپلې لازمې مشورې شريکې کړې.
نوموړي زياته کړه امنیتي او کشفي ارګانونو باید د اختر په شپو او ورځو کې د پکتیا ولایت د ولسونو د امنیت د ساتلو په موخه لا ډېرې هڅې وکړې.
د ليدنې په دوام د مرافعه محکمې رئيس د پکتيا له محترم والي سره د محبوسینو د دوسیو په اړه هم خبرې وکړې.
ياده ليدنه د دعاء په لوستلو پای ته ورسېده.
