د سترې محکمې د تدارکاتو آمریت خبرتیا
د تدارکاتو قانون د دري څلوېښتمې مادې د (۲مې) فقرې له مخې ټولو هیوادوالو ته خبر ورکول کیږي چې د افغانستان اسلامي امارت ستره محکمه په نظر کې لري د ۱۴۰۲هـ ش مالي کال لپاره د «آغاز نوین کابل لمیتد» شرکت سره چې د جواز شمېره یې (۲۴۲۸۴) ده او مرکزي دفتر یې د کابل ولایت په مرکز حاجي یعقوب څلورلارې کې موقعیت لري، د (۹۶۹۸۸۰۰) نهه میلیون، شپږسوه آته نوي زره او آته سوه افغانۍ په قیمت سره د قضائیه قوې د امنیتي او اجرائیوي چارو عمومي ریاست لپاره د (۱۰۰) پایه کمپیوټرونو او (۱۰۰) پایه پرینټرونو د تدارک قرارداد وکړي.
هر ډول حکمي او حقیقي شخصیتونه چې په دې اړه نیوکه لري د تدارکاتو قانون د پنځوسمې مادې له مخې کولاي شي په لیکلي ډول د دلایلو په لرلو سره خپلې نیوکې د دې اعلان د خپرېدو له نېټې څخه تر اوه (۷) تقویمي ورځو پورې د عامې روغتیا څلورلارې ته څېرمه د سترې محکمې د مالي او اداري عمومي چارو ریاست اړوند د تدارکاتو آمریت ته وړاندې کړي.
دا خبرتیا د قرارداد د تړلو په معنی نه ده د پورته ذکر شوې نېټې تر پوره کېدو او نورو قانوني مراحلو تر سرته رسولو پورې د قرارداد عقد نه تړل کیږي.
