د کندهار د مرافعه محکمې رئيس د ياد ولايت د څلورو ولسواليو له ابتدائيه محاکمو څخه ليدنه وکړه
د کندهار ولایت د مرافعه محکمې رئیس محترم شیخ غلام حضرت (ابوالمنذر)، د يادې محکمې د يو شمېر قضائي غړو په ملتيا د دغه ولایت د خاکریز، ارغنداب، پنجوائي او دامان ولسواليو له ابتدائیه محاکمو څخه ليدنه وکړه.
په دې ليدنه کې یاد پلاوي د دې ولسواليو د ابتدائیه محاکمو د حقوقو، جزا او وثایقو برخې له اجراآتو لیدنه او څارنه وکړه او په دې برخو کې یې مسؤولينو ته لازمې لارښوونې وکړې.
د ليدنې په دوام د یادو محاکمو ستونزې واورېدل شوې، همداراز ياد پلاوي له زندانونو هم لیدنه وکړه، د بندیانو ستونزې يې واورېدې او د يادو ستونزو د حل په اړه يې مسؤولینو ته لازم هدایات وکړل.
