د غزني د مرافعه محکمې لپاره نوی رئیس معرفي شو
د دوشنبې په ورځ (۳ /۳ /۱۴۴۵ هـ ق) نېټه د غزني ولایت د مرافعه محکمې د جدید التقرر رئیس محترم الحاج مفتي عبدالرحمن (عزیزي) د معرفت غونډه ترسره شوه.
په غونډه کې لومړی د مرافعه محکمې د مدني دېوان رئیس الحاج مولوي صلاح الدین (حقاني) نوي رئیس ته هرکلی او ښه راغلاست ووایه.
وروسته د مرافعه محکمې نوي رئیس الحاج مفتي عبدالرحمن (عزیزي) خبرې وکړې وویل، ټول باید په ګډه د دې ځورېدلي ولس ستونزو ته رسېدنه وکړو.
وروسته د غزني ولایت مرستیال والي محترم مولوي رحیم الله (محمود) نوي رئیس ته د ښه راغلاست ترڅنګ د هر راز اصولي همکاریو ډاډ وکړ.
دغه راز د غزني ولایت د مرافعه محکمې مخکني سرپرست رئیس مولوي محمد مبین (الطاف) د غونډې ګډونوالو ته په خپلو خبرو کې وویل چې د غزني ولایت ټول محاکم الحمدلله په اطاعت کې ښه مخینه لري او ان شاء الله د هرې ستونزې په حل کې په حتی الوسع خپل کوښښ کوو.
یاده غونډه د دعاء په ویلو سره پای ته ورسېده.
