د نیمروز ولایت د ښاري ابتدائیه محکمې عمومي رئیس د یاد ولایت له مرکزي محبس څخه لیدنه وکړه
د روان ۱۴۴۵ هـ ق کال د صفرالمظفر میاشتې په ۱۱مه نېټه د نیمروز ولایت د ښاري ابتدائیه محکمې د جزا دېوان قضائي پلاوي د یاد دېوان د رئیس په مشرۍ د نیمروز ولایت له عمومي مرکزي محبس څخه لیدنه وکړه.
دغه پلاوي لومړی په یاد محبس کې د لوی عمر (سن) لرونکو بندیانو سره د بې برخلیکه بندیانو د حال معلومولو او همداسې د دوی لپاره د تعلیمي سیستم او خدماتو د حال معلومولو لپاره ورغله لیدنه وکړه، دغه راز یې د بندیانو د روغتیايي وضعیت په اړه معلومات وکړل، چې د یاد بلاک د بندیانو په وینا، د روغتیايي او تعلیمي خدماتو سربېره ورته په ټاکلي وخت خوارکي توکي رسېږي.
ورپسې د ښاري محکمې پلاوي د ماشومانو او ښځینه بندیانو له بلاکونو څخه هم لیدنه وکړه او د دوی د وضعیت په اړه یې بشپړ معلومات ترلاسه کړل.
