د فراه د مرافعه محکمې په انګړ کې یو باب مسجد ګټې اخیستنې ته وسپارل شو
د فراه ولایت د مرافعه محکمې په انګړ چې یو باب مسجد چې د جوړېدو چارې یې د ۱۴۴۴ کال په جریان کې پیل شوې وې جوړ او په ۲۴ /۱ /۱۴۴۵ هـ ق نېټه ګټې اخیستنې ته وسپارل شو.
د دغه مسجد د افتتاح او ګټې اخیستنې په موخه جوړه شوې غونډه کې د مرافعه محکمې رئیس مولوی محمدګل «صیاد»، د فراه والي مولوي نوراحمد «روحاني»، د امر بالمعروف او نهی عن المنکر رئیس مولوي عبدالمجید «صمیم»، د فراه ولایت ښاروال مولوي محمدولي «ادریس»، د مستوفیت رئیس مولوي عتیق الله «خالد»، د ښاري محکمې رئیس مولوی عبیدالله «عالمګیر»، د کار او ټولنیزو چارو رئیس مولوي شیر احمد «حق طلب»، د زندان عمومي مدیر ملا لعل محمد «ذاکري»، د اطلاعاتو فرهنګ رئیس مولوي عبدالحی «سباوون»، د دغه ولایت د علماوو شوری غړو، علماء کرامو او د محاکمو قضاتو حضور درلود.
د یادونې وړ ده چې یاد مسجد د (۱۱۱۰۰۰۰) افغانۍ په لګښت جوړ شوی چې پر یو وخت په کې څه باندې ۱۲۰ کسان لمونځ ادا کولای شي.
