د اروزګان ولايت د مرافعه محکمې رئيس د یو شمېر قاضيانو او د علماوو د شورا له رئیس او غړو سره وکتل
په ۱۴۴۴/۱۱/۲۶ھ.ق نېټه د اروزګان ولایت د مرافعه محکمې عمومي رئیس الحاج شیخ مولوي سخیداد (ابوالتقي) د ښاري محکمې د قاضیانو او د علماوو شورا رئیس او نورو غړو سره په خپل کاري دفتر کې لیدنه وکړه.
غونډه د معمول سره سم د قرآن کریم د څو مبارکو آياتونو په تلاوت سره پیل شوه، ورپسې د مرافعه محکمې عمومي رئیس الحاج شیخ مولوي سخیداد(ابوالتقي) د غونډې ګډونوالو ته ښه راغلاست وویل او وروسته یې د مراجعینو پر یو ډول ستونزو او مشکلاتو باندې خبرې وکړې او وویل، چې مراجعین باید حتی الوسع زموږ څخه نا هیلې ولاړه نه شي، کومې ستونزې او مشکلات چې لري هغه باید د اصولو او شریعت په رڼا کې ور حل کړو.
د مرافعه محکمې عمومي رئیس زیاته کړه، چې له مراجعینو سره نېک او مناسب چلند زموږ ټولو مسؤلیت او مکلفیت دی، هر هیوادوال چې محکمې ته مراجعه کوي هغه حقونه يې باید محفوظ وي کوم چې اسلامي شریعت او قانون ورکړي دي او هیڅ یو يې باید له خپلو حقونو بې برخې نه شي.
د اروزګان ولایت د علماوو شورا عمومي رئیس د محاکمو د مسؤلینو څخه خوښي وښودل چې د خلکو ستونزې او مشکلات مو پر وخت حل کړي او هغو ته مو پر وخت حل لاره برابر کړې، د علماوو شورا رئیس د محاکمو مسؤلینو ته د همکارۍ ډاډ ورکړ او وویل، چې موږ ستاسو سره تل همکار یو.
یاده لیدنه په دعائيه سره پای ته ورسېده.
