د پکتیکا د مرافعه محکمې رئیس د عدلیې او زراعت له رئیسانو او د امارت د قضایاوو او حقوقو له آمرینو سره وکتل

m_admin
پنجشنبه ۱۴۰۲/۳/۴ - ۱۱:۱
د پکتیکا د مرافعه محکمې رئیس د عدلیې او زراعت له رئیسانو او د امارت د قضایاوو او حقوقو له آمرینو سره وکتل

د پکتیکاولایت د مرافعه محکمې رئیس محترم الحاج مفتي عبیدالله«خالد» د روان ۱۴۴۴ هـ ق کال د ۱۱مې میاشتې په ۳مه نېټه د یاد ولایت د عدلیې او زراعت له رئیسانو او د امارت د قضایاوو او حقوقو له آمرینو د ځينې مربوطه موضوعاتو په تړاو د بحث لپاره ناسته وکړه.

غونډه د حقوقو د آمر محترم مولوي محمدعیسی لخوا د قرآن عظیم الشان د مبارکو آیاتونو په تلاوت پیل شوه؛ ورپسې د پکتیکا د محاکمو عمومي رئیس محترم الحاج مفتي عبیدالله «خالد» هر اړخیزه او عالمانه وینا وکړه وویل، د خلکو د حقونو د ضایع کېدو د مخنیوي په موخه دغه ډول ناستې ضرور دي.

د مرافعه محکمې رئیس د عدلیې له رئیس سره د عریضه لیکونکو د غلطو عرایضو لیکلو او د هغوی د نه پوهېدو، د مدافع وکیلانو او دارالوکالو  او د بارګینونو او مسافرخانو دکنټرول په اړه خبرې وکړې او هغه ته یې د یادو موضوعاتو اړوند لازمې مشورې ورکړې.

پر دې سربېره محترم الحاج مفتي عبیدالله«خالد» د زراعت له رئیس سره د محاکمو د ځمکو په اړه خبرې وکړې او د زراعت د رئیس لخوا د یادو ځمکو په اړه معلومات ورکړل شول.

محترم مفتي خالد د امارت د قضایاوو له آمر سره د امارتي ځمکو په اړه خبرې وکړې، ترڅو خدای مه کړه یادې ځمکې د اشخاصو لخوا حیف او میل نشي.

د عدلیې رئیس په خپلو خبرو کې د دغه ډول غونډې جوړول ضروري وبلل او ژمنه یې وکړه چې د عریضه لیکونکو لپاره به سیمینارونه جوړوي، ترڅو ورته ټول هغه شرایط او اصول ور وښودل شي چې د عریضو د صحت لپاره اړین دي.

دغه راز یې د مدافع وکیلانو د حقوقو، د بارګینونو د جواز او مسافرخانو په اړه خبرې وکړې.

 په یاده غونډه کې د مسؤولینو لخوا ځینې ستونزې او مشکلات بیان شول چې الحمدلله تر ډېره ورته د حللاره پیدا شوه.

 

تازه ترین اخبار

شنبه ۱۴۰۳/۵/۶ - ۱۴:۴۱
Background image

تحت رهبری رئیس محکمهٔ مرافعهٔ سمنگان در محکمهٔ ابتدائیۀ شهری آن ولایت جلسۀ اداری تدویر یافت 

تحت ریاست محترم مولوی محی‌الدین (عمری) رئیس محکمهٔ مرافعه، با اشتراک رٶسای دواوین محکمهٔ ابتدائیه شهری، آمریت حقوق، آمریت وثایق کارمندان اداری محکمه و قطعۀ محافظت قضات به تاریخ ۱۸ /۱. . .

شنبه ۱۴۰۳/۵/۶ - ۱۱:۴۷
Background image

محاکم دايکندی طی دو هفته علاوه بر رسيدگی به (۸۰) دوسیه، به تعداد (۸۹) قطعه وثایق را نیز اجرا نموده‌است

خلاصۀ اجراآت قضائی محاکم ولايت دايکندی، دواوين محکمۀ مرافعه، وثايق، محکمۀ ابتدائیه شهرى و محاکم ابتدائیۀ ولسوالى‌ها از تاريخ (۱/ ۱/ ۱۴۴۶ هـ ق الى ۱۴/ ۱/ ۱۴۴۶ هـ ق) در بخش‌هاى حقوقى،. . .

شنبه ۱۴۰۳/۵/۶ - ۱۱:۳۸
Background image

محاکم هرات طی دو هفته علاوه بر رسيدگی به (۶۰۶) دوسیه، به تعداد (۶۳۸) قطعه وثایق را نیز اجرا کرده‌است

خلاصۀ اجراآت قضائی محاکم ولايت هرات، دواوين محکمۀ مرافعهٔ، وثايق، محکمۀ ابتدائیه شهرى و محاکم ابتدائیۀ ولسوالى‌ها از تاريخ (۱/ ۱/ ۱۴۴۶ هـ ق الى ۱۵/ ۱/ ۱۴۴۶ هـ ق) در بخش هاى حقوقى،. . .

بازگشت به اخبار